Nobeta Azadîye her hewte şaristanê Strasbourgî yê Fransa de pê komayanê cîya cîyayan yena kerdene hewteyê 459. de ya.  Nobeta Azadîye 25ê hezîrana 2012î ra nata seba azadîya Rayberê Şarê Kurdî Abdullah Ocalanî yena kerdene.

Çalakîye verê Mehkemeya Heqanê Merdiman a Ewropa, Konseya Ewropa, Parlamentoya Ewropa û Komîteya Vergirewtişê Îşkenceyî ya Konseya Ewropa (CPT) de yena kerdene

Hewteyê 459. de koma Nurnbergî nobeta azadîye dewr girewte. Nameyê koma nobetdaran ser o Makbule Elbîstan qisey kerd û ard ziwan ke ê kêfweş ê ke rojbîyayîşê Abdullah Ocalanî de çalakîker ê.

Elbîstane da zanayene ke ê pê nobeta azadîye mesajê 'azadîya Rayberê ma azadîya ma ya' danê dinya û mojnenê ke îradeyê çareserîya meseleya kurdan Îmrali de yo. Elbîstane vat: ''Dewleta tirke pê tecrîdî wazena têkilîya kurdan û Rayberê ma bibirna, bi nê hawayî şarê kurdî teslîm bigêra. La kurdî dormeyê Rayberîya xo de ameyî pêser.

Makbule Elbîstan venga pêro welatanê Ewropa da ke wa nêbê hemkarê sûcanê dewleta tirke û seba qedînayîşê tecrîdî têbigêrê.