Nobeta Ocalanî rê Azadîye grûba Bernî de ya

Çalakîya nobete ke semedê azadîya Rayberê Şarê Kurdî Abdullah Ocalanî vernîya Konseya Ewropa de yena viraştene, hewteyê 347. de ya.

Çalakîya Nobeta Ocalanî rê Azadîye ya ke çalakîya tewr derge ya  Kurdistanijanê Ewropa ya, bi tewrbîyayîşê grûbanê neweyan yena domnayene.

Çalakîya ke hewteyê ravêteyî hetê grûba bajarê Bonî yê Almanya ra ameye tepiştene, no hewte grûba  bajarê Bernî yê Swîsre dewr girewte.  Çalakwanê bi nameyê Ekrem, Resûl û Erkanî derheqê felsefeya Ocalanî û tecrîdê Îmraliyî de zanayîş danê. Çalakwanan bêvêngîya CPT’yî û Ewropa şermezar kerde û vat ke heta azadîya Ocalanî do çalakîyê înan dewam bikerî û şarê Kurdî bi  xoverdayîşî do tewr peynî de ser bikewo.