Bajarê Strasbourtgî yê Fransa de 8 serrî yo semedê azadîya Rayberê Şarê Kurdî Abdullah Ocalanî vernîya Konseya Ewropa de nobete yena tepiştene.

Nobeta Azadîye hewteyê 396. de hetê grûba cinîyan a ke bajarê Freiburgî yê Almanya ra ameye yena rayraberdene.Leyla Topaz, Sadîye Sara û Emîne Yuksel do heta roja yewşemeyî nobete tepişê û dima ra dewrê grûbêka bîne bikerê.

Leya Topaz a ke bi nameyê grûbe qisey kerd vera bêvengîya Komîteya Vergirewtişê Îşkenceyî (CPT) hersê xo ard ziwan vat:‘‘ No tecrîd vera heme kurdan yeno kerdene. Bi tecrîdî şerê vera kurdan zî bi xorî. Ganî hêzê demokratî yê Tirkîya paştî bidê kurdan vera tecrîdî vengê xo berz bikerê. Eke Rayberîye azad bo problemê bînî zî yenê çarekerdene. Ganî şarê kurdî yê Ewropa zî wayîrê na çalakîye vejîyo û xoverdayîşî xurt bikero.‘‘