Paris

Banlîyoyanê Evry û Drancyî yê şaristanê Parisî yê Fransa de seba azadîya Rayberê Şarê Kurdî Abdullah Ocalanî çalakîya rayraşîyayîşî ameye kerdene. Çalakîye de sloganê sey 'Pîya serewedaritiş', 'Bimiro îxanet', 'Biciwîyo Serek Apo' ameyî vatene. Çalakîye de îxanetê PDKyî zî ameprotestokerdene.

Bordeaux

Şaristanê Bordeauxî yê Fransa de aktîvîstanê TCŞyî  bi çalakîyêke bala ante tecrîdê vera Rayberê Şarê Kurdî Abdullah Ocalanî ser. Çalakîye de îşxalê Rojawanî û Qirkerdişê Mereşî zî ameyî protestokerdene. Ciwanan eşkerayîye wende û pankartê bi nuşteyê 'Abdullah Ocalan têna nîyo', 'Ma do qirkerdişê Mereşî xo vîr a nêkerê' akerdî.

Berlin 

Paytextê Almanya Berlin de kurdan, enternasyonalîst û şorişgêran bi çalakîya konvoyê wesayîtan bale ante tecrîdê vera Rayberê Şarê Kurdî Abdullah Ocalan, binpaykerdişanê heqanê tepişteyan.

Çalakîye de dîya zanayene ke tecrîdî ra dima teda û zorbazî yê vera kurdan zêdîyayî.