Ronayoxanê PKKyî ra Sakine Cansiz, Temsîlkara KNKyî ya Parisî Fîdane Dogan û Endama Têgêrayîşê Ciwanîye Leyla Şaylemez serrgêra 7. ya şehadetê înan de yenê vîrardene. Rayberîya Têgêrayîşê Cinîyan ê Kurdan ê Ewropa (TJK-E) de Paris de rayraşîyayîşêk ame organîzekerdene. Bi hezaran kurdistanijan û dostanê înan ê ke welatanê cîya cîyayan ê Ewropa ra verê xo da paytextê Franse Paris, Meydanê Gare du Nord'dan Republique de dest bi rayraşîyayîşî kerd.

Merdimê Cansize, Dogane û Şeylemeze, sîyasetmedarê fransiz û kurdî û hezaran kesî tewrê rayraşîyayîşî bîyî. Çalakîye de fotorafê hîrê cinîyan ê şoroşgeran û pankertê ke Qirkerdişê Parisî şermezar kenê û vanê wa qirkerdiş bêro roşnkerdene yenê kiriştene. Çalakwanî bi sloganan bale ancenê ke qetilkar Erdogan o û wazenê ke wa sûcdarî bêrê hukmkerdene.

Badê rayraşîyayîşo ke do saetêk derg bikero do Meydanê Republique de mîtîngêk bêro viraştene. Yeno pawiene ke tîya temsîlkarê dezgehanê kurdan sîyasetmedarê Fransa qisey bikerê.