Paytextê Fransa Parîs de endamanê Têgêrayîşê Ciwanan ê Şorişgêrî  bi çalakîyêk tecrîd protesto kerd û xoverdayîşê grevê vêşanîye silam kerd.

Ciwanî Meydanê Trocadero de ameyî têhet û bi çalakîya bêîtaatî ya sivîle tecrîdê serê Rayberê Şarê Kurdî Abdullah Ocalanî û bêvêngîya Ewropa şermezar kerdî. Çalakî de bi pankartêk bale ancîyaye serê grervanê vêşanîye û seba paştdayîşî veng dîya. Ciwanan derheqê tecrîd û grevan de vilawekî vila kerdî û bi sloganan azadîya Ocalanî waşte û xoverdayîşê grevê vêşanîye silam kerd.