Paytexta Fransa Parîs de şaredarîyêk xelate daye Guleten Kişanake.

Şaredarîya bajarê Choîsy-le- Roîyî, Gulten Kişanake sey “Yew fîgura mucadeleyê demokras ya Tirkîya’’ name kerde û Kişanake layîqê xelate dîye. Merasîmê xelate do roja Sêşemeyî de bêro viraştene û temsîlkarê komelaya Kurdan do bi nameyê Kişanake xelate bigîrê.

Serekê Şaredarîya Choîsy-le- Roîyî Dîdîer Gûîllaûmeyî ard vîrî ke Kişanake di serrîyo ke girewteya û ci rê 14 serrî ceza ameya birnayene. Gûîllaûmeyî waşt ke pêro girewteyê sîyasî yê Tirkîya bêrê veradayene.