Avûkatanê Buroyê Huqûqî yê Asrinî ra Mazlûm Dînç paytextê Brîtanya London de Wekîlê Sinn Feinî Francie Molloy de pêvînayîşêk kerd.

Dînçî derheqê rewşa huqûqî ya Rayberê Şarê Kurdî Abdullah Ocalanî de agahîyî dayî û bale ante ser ke 38 mengî yo Ocalanî ra xeberêke nêna girewtene. Dînçî vat: ''Ganî cade tecrîd wedarîyo. Ganî pêro dezgehê mîyanneteweyîyî seba ney têbigêrê.''

Wekîl Molloyî hesabê xo yê Xî ser de pêvînayîşêkî ser o vat: ''Ez pê sereberz a ke mi avûkatê Abdullah Ocalanî de pêvînayîş kerd. Ocalan 25 serrî yo tepişte yo û 38 mengî yo ey ra xeberêke nêgêrîyena. No nêno tolerekerdene. Ganî Abdullah Ocalan bêro veradayene.''