Wekîla Partîya Keskan a Avusturalya Abigaile Boyd tecrîdê vera Rayberê Şarê Kurdî Abdullah Ocalanî berd rojdemê parlamentoyî.

Wekîle Boyde parlamento de qisey kerd û da zanayene ke Abdullah Ocalan sibata 1999î ra nata Îmrali de binê tecrîdî de tepişîyeno. Boyde vat: ''No tecrîd vera kurdan zî hêriş o. 2019 ra nata o nêeşkeno avûkatanê xo û 2021 ra nata zî nêeşkeno keyeyê xo bivîno. No tecrîd binpaykerdişê heqan o. Ganî Avusturalya vera ney têbigêro û kişta kurdan û Ocalanî de cabigêro.''

Boyde îfade kerd ke Abdullah Ocalan lîderê kurdan û seba têkoşînê azadîye sembolêk o. Boude ard ziwan ke ganî azadî û heqê merdiman nêbê babetê bazarîye. Boyde venga Hukmatê Gallerê Neweyî (NSW) da ke destek bido kurdan û seba azadîya Ocalanî bixebito.

Boyde waşt ke wa hukmatê Avusturalya seba caardişê azadîya Ocalanî û çareserîya meseleya kurdan tedaya Tirkîya bikero.