Partîyanê Çepan ê Swêdî hetkarîye daye Leyla Guvene
Îdarekerê Partîya Çepe yê Swêdî yê ke beşdarê kampanyaya paştîdayîşê Leyla Guvene ya Yewîya Cinî ya Sara bîyî, waşt ke tecrîdkerdişê Rayberê Şarê Kurdî Abdullah Ocalanî bêro qedîyayene.
Parlamenterê Partîya Çepe Danîel Rîazat, endamê Meclîsa Şaredarîya Goteborge Danîel Brenmar û Sereka Herêma Stockholme ya Partîya Çepe Elana Karlstrome bi dîmen mesaj şawit û bala ante ser rewşa Guvene.
Danîel Brenmar bale ante ke heqê merdiman Tirkîye de bi sîstematîkî yeno binpaykerdene û mûxalîf û Kurdî yenî girewtene û wina va: “Seba waştişê Leyla Guvene û girewtîyanê bînan berê rojdemê Konseya Ewropa û têgêrayîşanê bînan, ma do cehd bikerê.”
Parlamenterê Partîya Çepe Danîel Rîazatî zî nê vatî: ‘’Leyla Guvene seba ke vera dagirkerîya Efrînî de vinetêne ameye girewtene û bi amancê wedaritişê tecrîdî û hinekerdişê zordarîya Erdoganî yê dîktatorî, kewte grevê vêşanîye.Partîya Çepe do heta peynîye hetkarîye bidere mucadeleyê Guvene.’’
Sereka Herêmê Stockholme ya Partîya Çepe Elana Karlstrome zî vist vîrî ke Guvene parlamenterêka waştişê demokrasî, heqê merdiman û têduştîye kena û vat ke a piştî dana mucadeleyê Leyla Guvena ke 79 rojî yo grevê vêşanîye de ya.
