Polîsan eşt Weşanxaneyê Mezopotamya û Mîr Muzîkî ser
Almanya de zextê serê Kurdan dewam keno. Bajarê Neussî yê Almanya de ewro saetanê serê sibayî de polîsan reyna sazîyê Kurdan hedef gitewtî û eşt Weşanxaneyê Mezopotamya û Mîr Muzîkî ser.
Weşanxaneyê Mezopotamya û Mîr Muzîk yê ke bitaybetî par ra hedefê polîsan de yê ewro reyna polîsan eşt nînan ser. Derheqê sereştişî de zanayîşo hîra nêame girewtene. Cigêrayîşê polîsan hema dewam keno.
Weşanxaneyê Mezopotamya û Mîr Muzîk yê ke bajarê Neussî de yê 8’ê Adare ya 2018‘ de raştê sereştişê polîsan ameyîbî û her di sazîyan de zî 3 rojî cigêrayîşî ameyîbî viraştene û dest nîya bi xeylî kitab û albumê muzîkî, arşîv û cîhazanê qeydî ser a.
Reyna par xeylî sazîyanê Kurdan rê zî sereştişê polîsan ameyîbî viraştene.
