Polîsanê almanan bêsebeb alaya asûrîyan qedexe kerde

Wextê çalakîya roniştişî ya Dusseldorfî de polîsanê almanan bi hawayêkê keyfî nêverda ke alaya neteweyî ya asûrîyan bêra akerdene.

Roja 3. ya çalakîya roniştişî ya Dusseldorfî de aktîvîstê asûrîyî yê bi nameyê Sabrî Barsîlîboyî waşt ke pê alaya neteweyî ya asûrîyan tewrê çalakîye bibo. Labelê polîsanê almanan bi hawayêkê keyfî aktîvîst asteng kerd, dest na alaya ser.

Polîsan pê îdîaya 'sembolê qedexeyî' derheqê aktîvîstî de tehqîqat da destpêkerdene. Barsîlîboyî tewirê polîsan şermezar  kerd û ANFyî reyde pare kerd ke a raşte Almanya de dezgehê asûrî-sûryanîyan qedexe nîyê.

Sabrî Barsîlîboyî îfade kerd ke no tewirê polîsan mojneno ke çarenuzê asûrî-sûryanî û kurdan yew o û vat: ''Ez rixmê asztengîye zî tewr çalakîya seba azadîya Abdullah Ocalanî bîya.''

Barsîlîboyo ke endamê Kongreya Bawerî û Şaranê Mezopotamya yo ard ziwan ke ganî Rayberê Şarê Kurdî cade azad bibo û şar pîya seba naye têkoşîn bikero.