Xeylêk merkezanê Ewropa de qetilkerdişê rojnamegeran Gulîstane Tara û Hêro Bahadîn ame şermezarkerdene.

Paytextê Avusturya Viyana de vengdayîşê DEM KURDî ser o verê Sersefîrîya Iraqî de çalakîyêke ameye kerdene. Çalakîye de eşkerayîyêke ameye dayene û ame vatene ke wa Avusturya verê qirkerdişanê dewleta tirke de bêveng nêmana.

Şaristanê Hamburgî yê Almanya de serkêşîya Meclîsê Cinîyan ê Rojbîne de mîtîngêk ame kerdene. Aktîvîs û nuştoxa almane Anja Flach çalakîye de ard ziwan ke dewleta tirke qestî ra rojnamegeran kena hedef. Wekîla Partîya Çepe Cansuye Ozdemîr zî dîyar kerd ke qirkerdişê vera rojnamegeran nêna qebulkerdene.

Şaristanê Arnhemî yê Hollanda de zî çalakîyêke ameye kerdene. Çalakîye de hemkarîya PDKyî ya bi dewleta tirke ameye şermezarkerdene.