Merkezê Îrtîbatî û Çapemenîye yê QSDyî bîlançoya 24 saetanê peyênan pare kerde.

QSDyî vat: ''Dewleta tirke ya îşxalkere û çeteyanê ci roja sêşemeyî ancî Awbendê Tişrînî û dormeyê ci bi giranî dayî bombayan ver. 

Cepheyê Qereqozaxî de şerwananê ma cewab da hêrişan, dewanê Qebir Îmo û El Hoşerîyê de çalakîyî kerdî. Qebir Îmo de 5 çeteyî kişîyayî, 10 çeteyî birîndar bîyî. El Hoşerîye de 12 çeteyî kişîyayî û birîndar bîyî. Yewina Şehîd Harunî Girê Qereqozaxî de noqtaya çeteyan kerde hedef û noqta bi temamî ameye îmhakerdene.

Dormeyê Qereqozaxî de dewî; dewê Xeseq El Tîna, Bîr Heso, Malha, Dîkan, Qereqozaxî yê Kobanê; Meydanê Teyarayan ê Sirînî û Girê Sêvî dîyayî bombayan ver.

Vizêr hêrişanê dewleta tirke ya îşxalkere de 12 sivîlî şehîd bîyî û 13 sivîlî şehîd bîyî.

Şerwananê ma Eyn Îsa û Zirgan de cewab da hêrişan, dewa Til Mihemedî de çalakîye kerde û tîya de leşkerêko tirk kişîya û leşkerêko bîn zî birîndar bi.''