Seba şermezarkerdişê tecrîdê serê Rayberê Şarê Kurdî Abdullah Ocalanî û paştîdayîşê xoverrodoxanê grevê vêşanîye, bajarê Dûîsbûrgî yê Almaya de rayîrraşîyayîşo derg o ke dest pêkerd, do di rojî dewam bikero. Rayîrraşîyayoxan verê destpêkerdişê rayîrraşîyayîşî, verê Merkezê Cimatê Demokratîkî yê Kurdî (MCDK)de deqayêk rêz girewt.

Beşê rayîrraşîyayîşî Bonn-Koln-Dusseldorfî de, beşo bîn zî Dûîsbûrgî ra dest bi rayîrraşîyayîşî kerd. Çalakwanî do 9'ê Sibate de verê DGB Haûsî yê Dusseldorfî de bêra têhet û ver bi parlamento rayîrraşîyayîş bikerê û uca  mîtîngêk ra dima çalakîya xo do biqedinê.

Polîsan verê destpêkerdişê rayîrraşîyayîşî şewdirî ra der-dorê  MCDK‘yîgirewt û waşt ke verê tewrbîyayîşî bigêrê. Wextê eşkerayîya çapemenîye de zî cehd kerd ke posterê Rayberê Şarê Kurdî Abdullah Ocalanî wedarê û şarî provoke bikerê.

Beşê ewroyî yê rayîrraşîyayîşî do saete 16'î de bi mîtîngê verê gara trene ya Dûîsbûrgî biqedîyayo. Siba saete 10 de do roja dîyin a rayîrraşîyayîşî dest pê bikera.