Rayraşîyayîşo derg o ke her serre sey tradîsyonkî  hetê ciwananê kurdan ra semedê protestokerdişê Komployê 15ê Sibate yeno organîzekerdene, ewro bajarê Frankfurtî yê Almanya de dest pêkerd.

Rayraşîyayîşo ke Almanya, Fransa û Swîsre ra nizdê 120 ciwanî tewrê ci bîyî do mabênê 8-14ê sibate de Frankfurt ra heta Saarbruckenî dewam bikero. Verê rayraşîyayîşî eşkerayîyêke ameye dayene û bale ameye antene komployî ser û ame vatene ke  hukmatê Almanya zî sey Tirkîya vera kurdan polîtîkaya asîmîlkerdiş û nasanameyê ci ra dûrîfînayîşî  rayra bena û la şarê kurdî xeta rayberê xo de têkoşîn keno, çok nêdano.

Goreyê programê rayraşîyayîşê 6 rojan o ke  roja diyîne do Neu-Isenburgî ra, roja hîrêyîne Darmstadtî ra, roja çarine Bensheimî ra, roja pancine Meinheimî ra û roja şeşine zî Homburgî ra bêro destpêkerdene û  heta Saabruckenî bêro viraştene, do roje rayraşîyayîş her şewe aktîvîteyê cîya cîya bêrê viraştene.

8ê Sibate: Frankfurt - Neu Isenburg

9ê Sibate: Neu Isenburg - Darmstadt

10ê Sibate: Darmstadt - Bensheim

11ê Sibate:  Bensheim - Mannheim

12ê Sibate:  Mannheim - Homburg

13ê Sibate:  Homburg - Saarbrucken