8ê sibate de bi şîara ''Destûr mede tecrîd, Rayber Apo reyde azad be'' Frankfurt de Rayraşîyayîşê dergî dest pêkerdbi. Polîsê almanî provakasyonanê xo yê Rayraşîyayîşê Dergî dewam kenê. Polîsî wesayîtanê çalakîkeran cigêrenê û înan ciwanêko alman ê enternasyonal dest bend kerd.

Ciwanî do 6 rojan seba protestokerdişê Komployê Mîyanneteweyî yê 15ê Sibate yê vera Rayberê Şarê Kurdî Abdullah Ocalanî rayîrî ra şorê. Polîsanê almanan sey di rojanê verênan ewro zî hêrişê ciwanan kerd.

Roja yewîne ya rayraşîyayîşî de sloganî û alayî ameyî qedexekerdene, roja diyîne de zî polîsan hêrişê ciwanan kerd û 3 ciwanî destbend kerdî.

Ciwanan ewro Darmstadt Luisenplatz de wexto ke destpêkê rayraşîyayîşî amebî pêser polîsan rayraşîyayîş provake kerd. Ciwanêko alman ame destbendkerdene.

Pawitişê ciwanan meydan de dewam keno.