Rayraşîyayîşê dergî yê 4. ê enternasyonalîstan ê bi şîara ''Seba Ocalanî azadîye, seba Kurdîstanî statu, vera faşîzmî mil bi mil'' verê bînaya Edaletî ya Luksemburgî de dest pêkerd. Amerîkaya Latîne, Îspanya, Îran, Afrîkaya Başûre, Kanada, Ekvador û Awustralya ra 120 enternasyonalîstî tewrê rayraşîyayîşî benê.

Çalakîkeranê rayraşîyayîşî bi almankî, fransizkî û îngîlîzkî qisey kerd û vist vîrî ke tecrîdê vera Rayberê Şarê Kurdî Abdullah Ocalanî nêno qebulkerdene. Çalakîkeran qiseykerdişanê xo de selam da Rojawan û îfade kerd ke sîstemê Rojawanî çareserîya sîstemê kapîtalîzmî yo.

Bi bira komîte emser rayraşîyayîşî zereyê şaristanî de do bêrê kerdene. Teberê şaristanî de zî komî bi wesayîtan do bêrê berdene bi cayê mendişî. Enternasyonalîstî do qasê 15 kîlometreyan rayîrî ra şorê.