Girse dimayê rayraşîyayîşê 40 kîlometreyî vizêrî şan ame meydanê Brûnnparkenî yê merkezê bajarî. Rayraşîyayîş de sloganê “Biciwîyo Serek Apo”, “Ocalanî rê azadîye, şarê Kurdî rê statu”, “Waştişê Leyla Guvene waştişê ma yê” “Destanê xo yê goninan Ocalanî ser a biancê” ameyî qîrîyayene.
Hemserekê Merkezê Cimatê Demokratîkê Kurdî yê Goteborgî Abbdullah Konyayî meydan de qisey kerd û Yewîya Ewropa û hukmatê Swêdî rexne kerdî ke verê zext û hêrişanê dewleta Tirkî de bêveng ê.
Konyayî ard vîrî ke, Leyla Guvene 103 rojî yo seba wedaritişê tecrîdkerdişê Rayberê Şarê Kurdî Abdullah Ocalanî grevê vêşanîye de ya û waşt, tecrîdkerdişê Ocalanî biqedîyo û nameyê PKK’yî lîsteya 'rêxistinê terorî' ra bêro vetene.
Rayraşîyayîşo ke 2 rojî dewam kerd, bi vatişê deyîran, marşan û bi slogana “Biciwîyo Serek Apo” qedîya.