Rayraşîyayîşê dergê ke her serre vera Komployê Mîyanneteweyî yê vera Rayberê Şarê Kurdî Abdullah Ocalanî yenê kerdene. Swîsre emser sey cayîyî keno.

Vizêr rixmê serd sipirî kasabaya Zucwillî de bi seyan kurdîstanijî û dostê înan ameyî têhet. Badê rêzgirewtişî sîyasetmedarê kurdî Serhat Agirî qisey kerd. Agirî ard ziwan ke komplo sey hêrişê vera Kurdîstanî dewam keno û vat: ''Hêrişê Garê kenê ke paşta kurdan bişiknê. La ê se kenê wa bikerê do meeşkê xoverdayîşê Rayber Apoyî û gerîlayan bişiknê. Ma zî do wayîrê nê xoverdayîşî vejîyê û komployî pûç vejê û ser bikewê.''

Dima ra rayraşîyayîşî dest pêkerd. Aktîvîstan rayîr de almankî vilwekî wendî. Badê rayraşîyayîşî Meydanê 1ê Gulane de mîtîngêk ame kerdene. Mîtîng de bi nameyê KCDK-E Demîr Çelîkî qisey kerd. Çelîkî vist vîrî ke ê semedê azadîya Rayberê Şarê Kurdî Abdullah Ocalanî meydanan de yê û vat: ''Ewro paradîgmaya Ocalanî têna semedê kurdan ney heme dinya de sey nimûneyî yena vînayene. Rixmê heme hêrişanê koplokeran ma sey şarê dinya ke wayîrê Rayberê ma Abdullah Ocalanî vejîyenê ma do ey bikerê azad.''

Badê qiseykerdişê Çelîkî kurdîstanijan Kitabxaneyê Rayberîye ke tîya ame ronayene zîyaret kerd.