Rayraşîyayo derg ê ciwanan roja 4. de yo

Rayraşîyayo derg o ke ciwanan seba ke Komployê Mîyanneteweyî yê 15ê Sibate yê vera Rayberê Şarê Kurdî Abdullah Ocalanî protesto bikerê dabi destpêkerdene roja çarine de bi sloganan dewam keno.

Rayraşîyayo derg o ke şaristanê Frankfurtî yê  Almanya de hetê ciwanan ra vera Komployê Mîyanneteweyî yê 15ê Sibate yê vera Rayberê Şarê Kurdî Abdullah Ocalanî amebi destpêkerdene roja çarine de dewam keno.

Rayraşîyayîşo ke bi şîarê ''Destûr mede tecrîdî, Bi Rayber Apoyî azad bibe'' yeno viraştene do heta Saarbruckenî bêro domnayene. Ciwanî vera provokasyonanê polîsanê almanan bi slogana ''Wa biciwîyo Rayber Apo'' rayra şinê. Rayraşîyayîş ewro do şaristanê Mannheimî de biqedîyo û şan zî Merkezê Komelê Kurdan de fîlmê Banga Rojî  bêro seyrkerdene. Vizêr polîsan hêrişê çalakîye kerdbi û ciwanêk destbend kerdbi.