Rayraşîyayîşo derg o ke vizêr sate 11:30 de bi şîara ''Rayîr nêde tecrîd, bi Rayber Apo azad bibe'' şaristanê Frankfurtî yê Almanya de bi eşkerayîyêka çapemenîye dest pêkerd, rayraşîyayîşê 15 kîlometreyan ra dima qedîya.

Ciwanî bi coş û moralêkê pîlî rayîrî ra şîyî û serrgêra 21. ya komployê mîyanneteweyî yê vera Rayberê Şarê Kurdî Abdullah Ocalanî de pare kerd ke ê komplo qebul nêkenê. Roja destpêke ya rayraşîyayîşî sate 17:00 de Dreieich de qedîyaye.

Ciwanî Merkezê Komelê Demokratîkî yê Kurdan de kom bîyî û peynîya roja destpêke de tewrê semînerê bi babete ''Rastîya Rayberîye'' bîyî. Ciwanî semînerî ra dima keyeyanê kurdîstanijan de mendî.