Çalakwanî bi vengdayîşê Buroyê Enformasyonî yê Kurdistanî, Rate Kurdistan (Torra dostanîye ya  Îtalya-Kurdistan) û Merkezê Cimatê Demokratîkî yê Kurdî  ameyî têhet û zaf partîyê sîyasî, sendîka, şaredarî reyde nêzdîyê 15 sazgehan paştî daye. Çalakîye peroj meydanê dell'Esqulinoyî de dest pêkerde.

Çalakîye de pankarta bi nuşteyê “Ma tecrîdî bişiknê, faşîzmî birijnê, Kurdistanî azad bikerê”, posterê Ocalanî, alayê KCK û PKK'yî ameyî akerdene. Kîtle heta Pîazza Venezîa ya mabênê Roma de ya rayra şîye.

Peyama KCK’yî de ame vatene, “Sey her serre şima emser seba azadîya Serek Apoyî biqerar ê. Biqerarîya şima zelal a, tewirê şima akerde yo, vinetişê şima bimana yo.

KCK: DINYAYÊKA BÎNE MIMKUN A

KCK’yî peyamêka nuştekî çalakîya Roma rê şawite û bewlî kerd ke, teba şoreşgerê ke vera faşîzmî de xo ver ro dayo û sere de Leyla Guvene û çalakwan ê ke grevê vêşanîye de yê, nîşanê ma dayo ke, ‘Dinyayêka bîne mimkun a‘

Peyame de ame vatene, “serkewtiş do yê sosyalîzmî, yê konfederalîzma demokratîke, yê şoreşgeranê ke vera faşîzmî vindenê û yê Leyla Guvene û xoverrodayoxanê grevê vêşanîye do bibo.”

Dewamê peyame de zî ame vatene “Na xete ser o ma rayraşîyayîşê şima, biqerarî û pêgirewtoxîya şima ya şoreşî, demokrasî û azadîye bi şîyara ‘Dinyayêka bîne mimkun a‘ silam kenê.

OCALAN MANDELAYÊ KURDAN O

Sîyasetmedarê Kurdî Hatîp Dîcleyî mîtîng de qisey kerd û tecrîdkerdişê Rayberê Şarê Kurdî Abdullah Ocalanî yo ke şarê Kurdî zî tey ameyo tecrîdkerdene, şermezar kerd. Dîcleyî ard vîrî ke Rayberê Şarê Kurdî Abdullah Ocalan o ke destkewteyanê şaran ê Rojakewtena mîyanêne û mîmarê şoreşê Rojawanî yo, eynî wextî de Mandelayê şarê Kurdî o.

Mîtîng bi qîrîyayîşê sloganan cemê şanî qedîya.