Kurdanê Rûsya serrgêra ci de Komployê Mîyanneteweyî yê vera Rayberê Şarê Kurdî Abdullah Ocalanî protesto kerd.

Saratov

Qezaya Yerşovî ya herêma Saratovî ya Rûsya de kurdan komplo protesto kerd. Nameyê kurdanê Yerşovî ser o Serekê Otonomîya Kulturê Kurdan ê Yerşovî Mîrzalî Yusubovî û hunermend Bakî Ahmedovî qisey kerd. Qiseykerdişan de bale ameye antene ser ke azadîya Ocalanî seba kurdan zî tirkan zî girîng a û ame vatene ke ''Kurdî ganî her ca de wayîrê Rayberê xo bivejîyê.''

Yekaterinbug

Kurdanê Yekaterinbugî Keyeyê Hunerî de komplo protesto kerd. Berpirsîyarê Yewîya Êzidîyan ê Yekaterinbugî Xidirê Gogêyî û  Rustemê Şahîsmaylê Temoyî çalakîye de qisey kerd. Çalakîye de ame vîrvistene ke kurdî seba azadîya Ocalanî têkoşîn do pîl bikerê.

Stavrapol

Qezaya Novoaleksandrovskî ya herêma Stavropolî de zî domananê kurdan seba Ocalanî aktîvîteyêke kerde û vat ke ''Ma do rêçê Ocalanî de şorê.''