Schmalstîeg: Ganî Kişanake, Tûncele û girewteyê sîyasîyî azad bib

Şaredaro verên ê Bajarê Girdî yê Hannoverî Herbet Schmalstîegî, hemverê cezadîyayîşê Kişanake û Tûncele de reakasîyon nîşan da. Schmalstîegî waşt, Kişanake, Tûncele û girewteyê siyasîyê ke Tirkîyaye de pêroyî bêrê verdayene.

Roniştişê daweya Hemsereka Bajarê Girdî yê Amedî Gultan Kişanake û Hemsereka DBP'yî Sebahat Tûncele roja verî, Dadgehê Cezayê Giranî yê Meletîye de ame viraştene. Bi îdîaya 'endametîya rêxistine' 11 serrî û 3 mengî, 'propagandayî' ra 3 serrî Kişanake rê ceza birnaye. Dadgerîya Tirkî, hetê bînî ra bi îdîaya 'endametîya rêxistine' ra 9 serrî û 9 mengî, 'propagandayî' ra zî 5 serrî û 3 mengî ceza Tûncele rê birnaye.

Sereko verên ê Bajarê Girdî yê Hannoverî Herbet Schmalstîegî, reaksîyon da û nîşanê qerarî da û waşt, herd di sîyasetmedarê Kurdî bêrê verdayene. Schmalstîegî ard ziwan, cezayê hepisî yê ke Kişanake û Tûncele rê ameyê birnayene rewşa dadgehanê ke pabestîyê rejîmê Erdoganî fînenê ra çiman ver ke senî hal de yê.

Schmalstîegî wina dewam kerd, “Dimayê tewqîfkerdîşê 28 mengan, ez musaya ke her di sîyasetmedaran rê ceza ameya birnayene. Cezayê ke ameyê birnayene nîşan danê ke Tirkîye de huquq xoser nêyo û heme rûmetanê bingeyênan ra kêm a û dûrî ya.

Herbert Schmalstîeg mabênê serranê 1972-2006'an de Şaredaro verên ê Bajarê Girdî yê Hannoverî bi. Eynî wextî de vervatoxê gruba Dostanîya Hannover-Amedî yo.