Hamburg de 23ê sibate de weçînayîşê eyaletî do bêro kerdene. Namzeta rêza yewîne ya Partîya Çepe Cansu Ozdemîr a ke namzeta hempare ya kurdîstanijan û demokratanê Tirkîya ya bi tewrbîyayîşê hezar kesan kombîyayîşêkê şarî ame serûberkerdene. Parlamenterê verênî yê HDPyî Osman Baydemîr, Ahmet Yildirim, hemşaredara verêne ya Cizîrî Leyla Îmret zî tewrê kombîyayîşî bîyî.

Vervatoxê NCDKyî yê Hamburgî Îmam Comertî pare kerd ke seba ke Ozdemîre bêra weçînayene înan şaristan de seferberîye daye îlankerdene.
Leyla Îmret zî kombîyayîş de qisey kerd û vat: 'Ma pê sîyasetmedaranê sey Cansu Ozdemîr sereberz ê. AKP û Erdogan nêwazenê ma sîyaset bikerê, çunke ma ra tersenê labelê ma her ca de xo ver danê.''

Parlamenterê verênî yê HDPyî Ahmet Yildirimî zî vat: ''Ganî ma firsendan baş bixebitnê. Seba naye zî ganî ma sîyasetê Ewropa de bitesîr bibê. Wayîrvejîyayîşê embaza ma Cansu Ozdemîr yeno a mana ke ma wayîrê yewîya xo ya neteweyîye bivejîyê.''

Cansu Ozdemîr zî vat: ''Ez do seba şarê xo û dewaya xo ya heqdare bixebitê.'' Ozdemîre venga pêro kesan da ke wa 23ê sibate de şorê sindoqan û raya xo bidê.'