14 Kurdistanijî 72 rojî yo Strasboûrg de seba wedaritişê tecrîdkerdişê  Rayberê Şarê Kurdî Abdullah Ocalanî grevê vêşanîye de yê. Xoverdayoxan ra yew zî Yuksel Koç o. Koç rixmê rewşa weşîya ci ya girane vejîya verê kamera û seba tewrbîyayîşê çalakîyanê Bruksel û Kolnî veng da.

Koçî vat, “Bi nameyê KCDK-E’yî vengdayîş bi heval û şarê ma yê Ewropa kena ke 27’ê Sibate de tewrê rayraşîyayîş û mîtîngê merkezî yê Brukselî bibê.”

Koçî ard ziwan ke, wezîfe yo ke vengê xoverdayoxanê grevê vêşanîye biresnê Konseya Ewropa û Parlamentoyê  Ewropa û Kurdistanijan û dostanê înan ra waşt ke bi ruhê seferberîye tewrê çalakîyan bibê.”

Koçî ard vîrî ke çalakîya 27’ê Sibate de ê do verê Parlamentoyê  Ewropa bêrê têhet, coka muhîm o û wina dewam kerd, “Êdî sewîyeya krîtîke zî derbaz bîye. Guvene 111 rojî yo, Yagiz 98 rojî yo, xoverdayoxê hepisxaneyan de 73 rojî yo û yê Gallerî zî 73 rojî yo ke grevê vêşanîye de yê. Eke ma nêwazenê çîyêko xirab biqewemîyayo, ganî her kes têkoşînê xo gird bikero. Heta nika wareyê mîyanneteweyî de, Kurdistan û tayê herêman ci de hîsgêrîyêk virazîyayî, labelê sazgehê selahîyetdarî hîna bêveng ê.”

Peynîya qiseykerdişî de Koçî, rayraşîyayîşê 2'ê Adare yê Almanya ard vîrî û vat, “Seba şiknayîşê bêvengîya dewleta Almaya ganî şarê ma yê Almanya do roje Kolnî bikero wareyê xoverdayîşî.”