4 sazgehê ke Almaya de bi xebatanê xo yê heqê merdiman û haştîya yenê şinasnayene deklarasyonêko hempar seba Hukmatê Federalî yê bi serekwezîrîya Angela Merkele rê nuşte. Deklarasyono ke bi nameyê “Vengdayîşê ma yo lezabezî yê Hukmatê Federalî yo” ameyo weşanayene de ame vatene ke seba ke virnîya merdişanê neweyan bêro girewtene, heqê merdiman bêro pawitene û haştîye bêro kerdene, ganî Almanya çîyêk bikero. Deklarasyon hetê berpisîyarê Hekîmanê Mîyanneteweyîye yê vergirewtişê Şerê Nukleerî (IPPNEW) yê Titkîya Dr. Gîsela Penteker, Dîalog Kreîs, Komîteya Demokrasî û Tora Kooperatîfa Haştîye ra ame weşanayene.

HUKMATÊ TIRKÎ VERA KURDAN QIRKERDIŞ DA DESTPÊKERDENE

Deklarasyonî de ame vîrardene ke hepsxanayê Tirkîya bi sîsyasetmedar, rojnameger, entelektuel û zanayan ameyê pirkerdene û ame û ama vatene ke “2015’î de pêvînayîşê haşîtîye ke PKK’î reyde virazîyayî ameyî qedênayene û vera Kurdan hem teber de hem zere de qirkerdiş ame destpêkerdene. Îşxalkerdişê Efrînî bes nîyo, yeno waştene ke herêmanê bînan ê Surîye zî bêrê îşxalkerdene. Kurdistanê Iraqî her roje hetê teyaran yê Tirkî ra yenê bombardûmankerdene.”

Sazgehê merdiman ê Almaya vat na polîtîkaya agresîfî ya rejîmê Erdoganî stabîlîzasyon û asayîşê Ewropa keno tehluke, seba ke na polîtîka hêrişkare hema biqedîyo Hukmatê Almanya yê Federalî ra waşt ke çîyêk bikerê. Deklarasyonî de sazgehanê merdiman rayberîya Berlîne ra  nê 5 madeyî waştî:

-Ganî merdim vera pratîkê antî-demokratîkî yê rejîmê Erdoganî yo ke heqê merdiman binpay keno de vindero.

- Şerê Tikîyaye yo ke Iraq û Surîye de Kurdan rê keno yeno domanyene, yeno manaya binpaykerdişê peymanê mîyanneteweyîye, ganî merdim çimanê xo nêgêro.

-Seba çareserîya persa Kurdî endamanê bînan ê Yewîya Ewropa reyde ganî însîyatîfêko mîyanneteweyî bêro destpêkerdene.

-Ganî îxracatê çekan ê seba Tirkîya û destekê kredîyê Hermesî yê şîrketanê Almaya yê ke Tirkîya de yê bêro birnayene.

-Ganî bêro waştene ke yewîyê Tirkî Efrînî ra bivejîyê, reyna vera hêrişêko newe yê serê herêma Kurdan ya Surîye de ganî merdim wayîrê helwêste bo.

'CPT BI LEZABEZ GANÎ ŞORO ÎMRALI

Deklarasyonî vist vîrî ke Rayberê Şarê Kurdî Abdullah Ocalan ke verê 20 seran Kenya de ame remnayene û ê demî ra nata Îmrali de binê tecrîdî de yo, Îmrali de Ocalanî reyde 4 hukumwerdoxanê bînî zî, no 4 serrî yo ke avûkat û keyeyanê xo nêvînenê û parlamentera HDP'yî Leyla Guvene seba tecrîdkerdişê Îmraliyî wedariyo 8‘ê Teşrîna peyêne ra nata kewta grevê vêşanîye û  wina vend îya hukmatê Federalî: Ma vengdayîş Hukmatê Federalî ra kenê ke Konseya Ewropa û Komîteya Vernîgirewtişê Îşkenceyî (CPT) çîyêk bikerê û heyetêk bişawe Girawa Îmraliyî. Ma vengdayîş Yewîya Ewropa zî kenê ke na babete de Tirkîya reyde pêvînayîşan bikera. Reyna endamê Komîsyanê Karê Teberî yê Meclîsê Federalî serdena Leyla Guvene bikerê.‘‘