Bi desan weçîniteyanê HDPyî  semedê protestokerdişê tecrîdî û bale biancê ke hemsereka KCDyî û parlamentera HDPyî Leyla Guvene grevê vêşanîye de amîya sînorê mergî vernîya Konseya Ewropa de çalakî viraşte û waşt ke CPT û Konseya Ewropa wezîfeyê xo bîca bîyarê.

Parlamenter û hêmşaredarê ke surgun de yê zî tede xeylî weçîniteyanê HDPyî  vernîya Konseya Ewropa de  çalakîyêk viraşte û dimara zî eşkerayîya çapemenîye daye û nê pare kerdî:

‘‘Ma sey sîyasetmedarî ke hemserek, parlementer û hemşaredarê  û hezaran endamê partîya ma ya HDPyî hetê AKPyî ra ameyî hepskerdene, mecbûr mendî ameyî Ewropa, ma wazenê ke wina veng bido endamanê Konseya Ewropa.

Leyla Guvene 76 rojî yo ke grevê vêşanîye de ya. Guvena ke  Colemêrga Kurdistanî de bi 70 hezaran reyanê şarê sey parlamentere ameye vîjnayene bîlaheq zîndan de yena tepiştene. Eke a zîndan de  nêbîyêne seba aşitîye zaf xebate kerdêne la a ewro no xoverdayîşê xo zere ra dana.

WAŞTIŞÊ GUVENE QEDÎYAYÎŞÊ TECRÎDÎ YO

Tena waştişêke Guvene esto. Guvene wazena ke wa îşkenceyê Îmrali bêro qedînayene. Birêz Ocalan 7 serrî yo bi avûkatanê xo û 2 serrî yo nîm o ke bi merdimanê pêvînayîş nêvirazeno. Guvene wazena ke tecrîd wedarîyo, çunku tecrîd îşkence yo  û îşkence sûce merdimîye yo.

CPT SEBA VERNÎ GIREWTIŞÊ ÎŞKENCEYÎ ESTO

Komîteya Vernîgirewtişê Îşkenceyî (CPT) yo ke pabesteyê Konseya Ewropa yo semedê vernî girewtişê îşkenceyî esto û ganî vera tecrîdê serê Birêz Ocalanî wezîfeyê xo bica bîyarê.

OCALAN ÎREDAEYÊKO SÎYASÎ YO

Ocalano ke semedê şarê Kurdî zaf erjaye yo 3 mîlyon û nîmî kesan bi îmzayanê xe ke dayê parlametno vato ke‘ Ocalan îradeyê mi yo sîyasî yo‘Ocalan nasnemeyêko sîyasî yo.

Şima ra waştişê ma wa dezgehê şima wezîfeyê xo bîca bîyarî wayîr waştişanê Guvene bivejî.‘‘

Sîyasetmedarê ke tewrê çalakîye bîyî wina yê:

Parlamenterî: Ahmet Yildirim, Besîme Konca, Demir Çelik, Faysal Sarıyildiz, Kemal Aktaş, Leyla Bîrlîke, Lezgîn Botan, Mehmet Emîn Adiyaman, Nûrsel Aydogane, Sîbel Yîgîtalp, Tugba Hezer Ozturke,

Hemşaredarî: Bûrhan Kocaman, Fatma Şik Barûte , Firat Anli, Huseyîn Guneş, Leyla İmrete, Orhan Şansal, Veysel Keser,

Îdarekarê Partîye: Fîlîz Koçalî, Alî Şimşek, Emrullah Bîngol, Hasan Vuûal, Hayrî Ateş, Sabîha Gunduze, İhsan Çelîk û Songul Çelike.