Rayraşîyayîşê şermezarkerdişê komplaya mîyanneteweyîye Basel, Mannheîm û Luksembûrgî ra dest bi rayraşîyayîşî kerdo, roja 2’ine de bi qîrayîşê sloganan û marşan yeno domnanyene.

Rayraşîyayoxê Luksembûrgî yê ke vizêr şan  reştîbî bajarê Genange yê Fransa, şewa xo tîya de derbaz kerde. Rayraşîyayoxê Luksembûrgî bi temamê xo ciwananê neteweyan ê cîyayan ra ameyê têhet.

Nêzdîyê 100 enternasyonalîstan ewro saete 10:30'î dest bi roja 2’ine ya rayraşîyayîşî kerd û bi pankarta û resimanê Ocalanî, xoverrodoxanê grevê vêşanîye yê Strasboûrgî û hemsereka KCD'yî û parlamentera HDP'yî ya Colemêrgî Leyla Guvene rayraşîyayîşê xo domanenê.

Rayraşîyayoxê slogananê “Ocalanî rê azadîye”, “Leyla Guvene ma yê”, “Seba Kurdistanî çareserîya polîtîke” qîreyayî. Dewê û bajarê ke ci ra derbaz benê qalê amancê rayraşîyayîşê xo kenê. Derheqê rewşa weşîya Leyla Guvene de vilawekan vila kenê.

Rayîrgehê rayraşîyayîşî trafîkî rê ame padayene û seba rewşêka negatîfe nêqewemîya tedbîrê pêtî yê asayîşî ameyî girewtene.

Rayraşîyayoxî ewro 15 kîlometreyan ray ra şirê û yeno texmînkerdene ke cayo ke ê do biarasîyê wekîlê Fransa û hêzê sosyalîstî serdena înan bikerê.