Mehlayanê merkezê bajarî de beyraqê ke ser o resimê Rayberê Şarê Kurdî Abdullah Ocalanî estbî, ameyî daliqnayene.

Dima ra kîtle pankarta ke nûşteyê “Ocalanî rê azadîye, Kurdistanî rê statuya sîyasîye, şerê Tirkîya yê Efrînî hendî bes o” estbi û ser de resimê Ocalanî estbî, rayra şîye û komploya 15’ê Sibate û tecrîdê serê Ocalanî şermezar kerd.

Serekê Komîteya Dostîya bi Kurdistanî Benny Gustaffsonî meydanê merkezê bajarî de qiseykerdişêk kerd, ard ziwan ke ê paştî danê waştişanê Leyla Guvene û xoverdayoxanê grevê vêşanîye, waşt ke tecrîdê serê Rayberê Şarê Kurdî Abdullah Ocalanî tavilî bêro wedaritene.

Gustaffsonî vat heta ke Ocalan azad bibo ê do çalakî û programanê xo bidomnê û veng da hukmatê Swêdî ke hemverê nizdbîyayîşê Tirkîya yê meseleyê heqanê merdiman de û hemverê tecrîdê serê Ocalanî de bibê wayîrê tewirî.