Çalakîya Stockholmî Meydanê Medborgpaltsene de ameyî kerdene. Sereka Çepgîre ya herêma Stockholmî Elena Karistrim, endamê Komîteya Têkilîyanê Mîyanneteweyî ya Partîya Karkeran, endamê Demokratan Sosyalan Johan Hassel, nameyê Komîteya Paştdayîşê bi Karkeranê Îranî ser o Hasse u Hemserekê Merkezê Kulturê Kurdan ê Demokratîke yê Swêdî Ridvan Altun sey qiseykerdoxan beşdarê çalakîyî bîyî.

Çalakîye de mesajê Vervatoxa Polîtîkayanê Teberî yê Partîya Merkeze Kerstîn Lundgrenî, Parlamentera osyalîste Amînehe Kakabeveh, Sereka Merkezê Olof Plame Anna Sundstrom, Parlamentera Partîya Moderatî Margerthe Cederfled û Komanê Amerîkaya Latîne ameyî wendene.

Johan Haseelî pare kerd ke hukmatê Swêdî îşxalê dewleta tirke ya vera Rojawanî şermezar kerd û seba caardişê ambargoyê çekan îşxal berd Yewîya Ewropa. Sereka Partîya Çepgîre ya Herêma Stockholmî Elena Karlstrom îfade kerd ke dewleta tirke bi sebebê PKKyî lîsteya rêxistina terorî de yo vera Rojawanî dest pê îşxalî kerd û ganî PKK lîsteya terorî ra bêro vetene. Hemserekê NCDKyî Ridvan Aktunî xoverdayîşê şaranê Rojawanî, Libya, Iraq, Îran û Amerîkaya Latîne rê selam kerd. Çalakîye de marşê kurdan ameyî wendene û sloganê ''Biciwîyo Xoverdayîşê Rojawanî'', ''Tirkîya boykot bikê'', ''Cinîye, Cuye, Azadîye'' ameyî vatene.

Malmo

Bi bengdayîşê Komîteya Rojawanî û NCDKyî yê seba şermezarkerdişê îşxalê tirkan û paştdayîşê Rojawanî nawnayîşêk ame kerdene. Nameyê organîzatoran ser o qiseykerdişî ameyî kerdene û îşxalê dewleta tirke ame şermezarkerdene. Seba ke îşxal biqednê venga Yewîya Ewropa û Neteweyanê Yewbîyayeyan ame dayene. Çalakîye de sloganê ''Dewleta tirke Kurdîstanî ra def be'', ''Destê gemarinî Rojawan ra biancê'', ''Tirkîya boykot bikê'' ameyî vatene.