Swîsre de rayraşîyayîşê vera kapîtalîzmî û emperyalîzmî

Şaristanê Baselî yê Swîsre de bi armancê paştdayîşê çalakîyanê protestoyî yê ke zaf cayanê dinya de vera kapîtalîzmî yenê kerdene rayraşîyayîşêk ame kerdene.

Seba ke bale bêra antene xoverdayîşê Kurdîstanî, Şîlî, Honk Kongî, Îranî, Iraqî, Katalonya, Haîtî Ekvadorî, Lubnanî, Misirî, Cezayîrî, Brezîlya, Kolombîya roja şemeyî şaristanê Baselî yê Swîsre de rayraşîyayîşêk ame kerdene.

Çalakîkerî meydanê Messeplatezî de rayberîya Komîteya Paştdayîşê Enternasyonelî kom bîyî û bi sloganan rayîrî ra şîyî. Çalakîkerî rayraşîyayîş de pankarta ''Vera mêtingerîya hêzanê kapîtalîstan û emperyalîstan ma xoverdayîşê enternasyonalîstî pîl bikê" kirişte û sloganê ''Kurdîstan, Srî Lanka, Sûrîye de bi çekan merdimî yenê kiştene'', ''Biciwîyo paştdayîşê enternasyonalîstî'', ''Cinîye, Cuye, Azadîye'', ''Biciwîyo Xoverdayîşê Rojawanî'' vatî. Rayraşîyayîş de bi çalakîyanê bêîtaatan ê sivîlan trafîk ame girewtene. Temsîlkara Têgêrayîşê Cinîyanê Kurdan ê Swîsre rayraşîyayîş de qisey kerd û îdafe kerd ke ê do  têkoşînê xo yê vera dewletanê ke benê hemkarê qirkerdişan û îşxalî dewam bikê.