Bajarê Toronto yê Kanada de bi yew rayraşîyayîşî komploya 15’ê Sibate ya vera Rayberê Şarê Kurdî Abdullah Ocalanî ameye şermezarkerdene.
Çalakwanê grevê vêşanîye Yusuf Îba yo ke 37 rojîyo grev de yo zî beşdarê çalakîye bi. Îbayî Merkezê Şarê Kurdî yê Torontî ra, tena bi serê xo dest bi rayraşîyayîşî kerd û meydanê Yonge&bloore ra dima bi girseye heta Cîty Hallî şî.
MA XEMGÎNÊ, BIHÊRS Ê
Îbayî çalakîye de wina qisey kerd: “Hêzanê komplokaran vatê qey ma ke Ocalanî bigîrîme, vengê Têgêrayîşê Azadîye û şarê Kurdî do bêro birnayene. La ne vengê Têgêrayîşê Azadîye ne zî vengê şarê Kurdî ame birnayene û ewro çar hetê dinyaye de payan ser o yê. No zî keno eşkera ke planê komplokaran nêşîyo ser. Kurdî wayîrê feraset û felsefeya Rayber Apoyî vejînê û her hetê dinyaye de xo ver danê, ma tîya de zî nê xoverdayîşî vînenê. Hewa her çiqas serd bo zî,bi seyan merdimî no meydan de ameyê têhet. Şarê Kurdî komploye xo vîr ra nêkerda û no meydan de, vera komploye reaksîyonê xo dano teber û komploye şermezar keno. Înan ê ke paştdarîye daya DAÎŞ’î û bîyê belaye serê dinyaye ganî bibê xemgîn. Seba ke DAÎŞ qedîyayo,zaf bîyê xemgîn û naye ser, hîna zêde bîyê hêrişkar. Ma do ser bikewê, ma do komplo û komplokaran bikerê binkewte.“