Utrecht û Nurnberg de seba Şengalî çalakîyî ameyî kerdene

Hêrişê dewleta tirke yê vera Şengalî şaristanê Utrechtî yê Hollanda de û şaristanê Nunbergî yê Almanya de ame şermezarkerdene.

Şaristanê Utrechtî yê Hollanda de seba şermezarkerdişê hêrişê dewleta tirke yê vera Şengalî û boykotkerdişê malanê Tirkîya çalakîyêke ameye kerdene.

Kurdistanijî û dostê înan Jaarbeurspleine pîya kom bîyî û seba yadkerdişê şehîdan deqayêk rêz girewt.

Çalakîye de alayê YPG-YPJyî û fotografê şerwananê ke Şengal de şehîd bîyî ameyî kiriştene û hêrişê Tirkîya ameyî vîrvistene.

Çalakîkeran bae ante berpirsîyarîya dewletanê Ewropa ser ke verê nê hêrişan nêgênê.

Kardo Başûrî nameyê Komîteya Amadekare qisey kerd û ard ziwan ke her wextî ra zêdêr hewceyê kurdan bi yewîya neteweyîye esta.

Partîya Greon Lînksî ra Serpîle Ateş qisey kerd û hêrişê Şengalî şermezar kerd û ard ziwan ke hêrişê vera sivîlan nênê  qebulkerdene. Ateşe waşt ke mal û turîzmê tirkan bêrê boykotkerdene.

Çalakîye bi sloganan qedîyaye.

Nurnberg

Çalakîya şaristanê Nurnbergî ya Almanya meydanê Lorenzkirche de ameye kerdene. Hêrişê dewleta tirke yê vera Şengalî bi nawnayîşêk ameyî şermezarkerdene.

Çalakîye de alayê YBŞyî ameyî berzkerdene û bêvengîya vera hêrişî ameye şermezarkerdene.