Almanya de Meclîsanê Şarê Kurdî yê Bremen û Oldenburgî seba şermezarkerdişê Komployê 15ê Sibate çarçewa Hemleya ‘Rayber Apoyî rê Azadîye, Meseleya Kurdan rê Çareserîya Sîyasîye’ de rayraşîyayo derg ê di rojan kerd. Çalakîye de sloganê sey “Bijî Serok Apo”, “Bê Serok Jiyan Nabe”, “Bijî Berxwedana Gerîla”, “Bijî Berxwedana Rojava”, “Bijî Berxwedana QSD”, “Bijî Berxwedana Tişrînê" ameyî vatene.Roja diyîne çalakîye Bremen de ameye kerdene. Ewro rayraşîyayîş bi eşkerayîye do biqedo.

Kiel de zî serkêşîya Defend Kurdistan, Meclîsê Jiyana Jin û Meclîsê Şarê Kurdî de rayraşîyayîş ame kerdene. Eşkerayîye de dîya zanayene ke seba çareserîya meseleya kurdan ganî tecrîd bêro wedaritene û Rayber Apo azad bibo.