Meclîsê Cinîyan ê Êzidîyan ê Berlinî, Meclîsê Cinîyan ê Dest-Danî û Berlin-Nav seba ke hêrişanê vera Şingalî protesto bikerê paytextê Almanya Berlin de çalakîya xeyme daye destpêkerdene.

Xeyme verê Reichstagî de ronîyaye. Çalakîye de veng ame dayene ke wa hêrişê Tirkîya yê vera Şingalî bêrê wedaritene.

Nameyê Sîwana Meclîsanê Cinîyan ê Êzidîyan (SMJÊ) ser o zî çalakîye de eşkerayîyêke ameye dayene. Eşkerayîye de ame vatene ke artêşa Iraqî hêrişanê Tirkîya yê vera Zapî reyde hêrişê Asayîşê Êzidxanî, YBŞ-YJŞyî kena. SMJÊ vat: ''Tirkîya û hukmatê Kazimîyî armanc kenê ke êzidîyan qir bikerê. Hukmatê Almanya zî paştî dano ney. Wa Ewropa dîrîtîye ra fek vera bida û vera hêrişan tewir bigêra.''

Çalakîye ewro heman ca de do dewam bikera.