Vîyana de 2 kesan dest bi grevê vêşanîye yê bêdem û bêdore kerd
Paytextê Awusturya Vîyana de, Şivan Agaoglu û Sultan Yîgîte, seba ke tecrîdê serê Rayberê Şarê Kurdî Abdullah Ocalanî protesto bikerê, kewtî grevê vêşanîye.
Vizêrî Westbahnof de, bi organîzasyonê Merkezê Komeleyê Kurdan ê Demokratîkî xeylî Kurdistanijî ameyî têhet û çalakîya rayîrşîyayîşî viraşte.
Rayîrşîyayîş de sloganê sey “Biciwîyo Rayber Apo“, Leyla Guvene anorê ma ya“ ameyî eştene û rayîrşîyayîş ra dima Şivan Agaoglu û Sultan Yîgîte, banê Merkezê Komeleyê Kurdan ê Demokratîkî de dest bi grevê vêşanîye yê bêdem û bêdore kerd.
Ciwanan va heta ke tecrîdê serê Ocalanî bêro wedaritene, ê do çalakîya xo bidomnê.
