Semedê şermezarkerdişê Komployê Mîyanneteweyî yê 15ê Sibate yê vera Rayberê Şarê Kurdî Abdullah Ocalanî bajarê St. Poltenî yê Awusturya ra ver bi paytext Viyana rayraşîyayîşo derg ê di rojan ame destpêkerdene.

Rayraşîyayîşêko ke 50 kesî tewrê ci bîyî bi eşkerayîyêke ame destpêkerdene. Eşkerayîya ke  hetê hemserekanê Ciwaka Azadî yê Awusturya  Xalis Sever û Nurcane Guleryuz ra ameye dayene de komplo ame şermezarkerdene û mesajê xutkerdişê têkoşînî ameyî dayene. Organîzatoran semedê tewrbîyayîşê çalakîye  veng da.