Bado ke cezaya zîndanî ya 3 serranû 9 mengan dîyaye Hemşaredarê Bajarê Pîlî yê Wanî Abdullah Zeydanî verê şaredarî de çalakîya nobete dîyaye destpêkerdene. Çalakîya nobete roja diyîne de yena dewamkerdene.

Hemsereka Pêroyî ya DBP Çîgdeme Kiliçgun Uçar û Hemsereka Pêroyî ya DEM Partî Tulaye Hatimogullari tewrê çalakîya nobete bîyî.

Verî Hemşaredarê Wanî Abdullah Zeydanî qisey kerd. Zeydanî vat se beno wa bibo ê do îradeyê şarê Wanî bipawê û xover bidê.

Hemşaredara Bajarê Pîlî yê Amedî Serra Bucak zî vat şar do heta peynî wayîrê têkoşînê xo bivejo, ma do ser bikewê û ê do binkewê.

Çîgdeme Kiliçgun Uçar zî  vat o qerarê hukmî semedê kurdan bêmana yo, kurdî nê qerarî nas nêkenê. Sûcê hemşaredaranê înan çîn o.

Tulaye Hatimogullari zî nê vatî: ''Na cezaya ke ameye dayene semedê ma, semedê şarî û heta semedê qenûnî senî ke çîn bo. Bi nê qerarî têna îradeyê şarê Wanî nîno xespkerdene, eynî wextî de qanûnê bingeyî yê xo zî binpay kenê. Ma zî do tewrê şarê Wanî nobete tepişê. Peynîya nê xoverdayîşî de serkewtiş est o. Ma do bi xoverdayîşî ser bikewê, bi têkoşînî, bi qerardarîye ser bikewê.''

Badê qiseykerdişan şarî bi deyîran govende girewte.