Wextê ci yo: Abdullah Ocalanî rê azadîye
Bi waştişê azadîya Rayberê Şarê Kurdî Abdullah Ocalanî xeylêk bajaranê Almanya û Fransa de çalakîyê roniştişî yenê kerdene.
Bi waştişê azadîya Rayberê Şarê Kurdî Abdullah Ocalanî xeylêk bajaranê Almanya û Fransa de çalakîyê roniştişî yenê kerdene.
Bajaranê Marsilya û Paris yê Fransa û bajaranê Dusseldorf, Stuttgart û Frankfurtî yê Almanya de bi waştişê azadîya Rayberê Şarê Kurdî Abdullah Ocalanî çalakîyê ronişitişî yenê kerdene.
Dusseldorf
Dusseldorf de roja dîyine ya çalakîye de Koln û Dusseldorfî ra xeylêk kesî tewrê çalakîye bîyî. Sîyasetmedare Besîme Koncaya ke çalakîye de qisey kerd grevê vêşanîye selam kerd û vat: ''Kitabê Rayberîya ma ewro unîversîteyan de sey çimeyê alternatîfî yene wendene. Na babete kurdê dîaspora ganî rolê xo bîyarî ca, pê çalakîyan rayapêroîye bi afernê. Ganî keyeyê ma bibê sey kelaya modernîteya demokratîke, pê caardişê fîkranê Rayberîye tecrîd yeno şiktine.'' Hemserekê KCDK-E Yuksel Koçî zî vat: ''Ganî ma heme waranê cuye de paradîgmaya Rayberîye bidê ciwîyayene.'' Hunermendê TEV ÇANDî Denîz Deman, Alî Îkîzer, Diyar Dersim, Hozan Şemdîn û Serhat Medî zî bi deyîranê xo reng da çalakîye.
Paris
Paris de zî çalakîya nobeta ke verê Parlamentoyê Eyaletî de yena kerdene hetê Meclîsê Villiers-le Belî ra ameye dewrgirewtene. Çalakîye çarçewa kampanya mektuban de îmzayî ameyî arêdayene. Nebete do siba hetê Meclîsê Drancyî ra bêro rayraberdene.
Marsilya
Marsilya de çalakîya ke vizêr pê tewrbîyayîşê 51 kesanê ke Draguignan, Montpellier, Toulouse û Marignan ra ameyî dest pêkerde dewam kena. Aktîvîstanê TCŞyî vilawekî vila kerdî û Meclîsê Cinîyan ê Arîne Mîrkan zî îmzayî arêdayî. Reyna nasyaşê Kitabxaneyê Rayberîye ame kerdene û kitabî ameyî vilakerdene.
Stuttgart
Stuttgart de çalakîya xeyma ke Meydanê Kobanê de yena kerdene roja dîyine de dewam kerde. Înîsîyatîfê Cinîyan ê Meryeme seba azadîya Rayberê Şarê Kurdî Abdullah Ocalanî Neteweyanê Yewbîyayeyan (NY) rê mektubî şawitî.
Frankfurt
Bajarê Frankfurtî de zî çarçewa Hemleya Wextê azadîye yo de çalakîya xeyme ameye destpêkdene. Çalakîya 5 rojan de derheqê tecîrîd û felsefeya Ocalanî de zanayîş yeno dayene.