Cinîyan ê Wendekaran ê Kurdîstanî (JXK) bajarê Baselî yê Swîsre de çarçewa Hemleya “Werin Cenga Azadiyê” çalakîye kerde.

Seba ke Pêkerdişê Bazirganîya Serbeste yê mabênê Tirkîya û Swîsre vizêr ame destpêkerdene, aktîvîstanê JXKyî pîya bi Yewîya Wendekaranê Kurdîstanî (YXK) û enternasyonalîstan verê banê Novartîsî de çalakîya protestoyî kerde.

Ciwanan badê çalakîye  pê nuşteyanê dêsan dewleta tirke teşhîr kerd ke vera gerîlayan çekanê kîyewîyan şuxulnena. Ciwanan semedê wayîrvejîyayîşê gerîlayan veng da.

Eşkerayîye de nê ameyî vatene:

''Menganê peyênan de artêşa tirke vera voverdayîşê gerîlayan se ra zafêr çekê kîmîyewîyî şuxulnayî û çarçewa huqûqê mîyanneteweyî de sûcê şerî kerdî.  Di hewteyî yo çekê kîmîyewîyî yê neweyî yenê şuxulnayene. Amerîka û welatê Ewropa hemkarê nê sûcan ê. Ma veng danê rayapêroyîya mîyanneteweyîye û dezgehanê demokratîkan ke wa vera nê hêrişan bêveng memanê. Ma sey têgêrayîşê ciwanan ê kurdan ê Ewropa veng danê ke wa dewleta tirke rê çeke nêro dayene. Wext wextê xoverdayîş o, ganî heme ciwanî cade wirzê payan ser.''