Paytaxtê Awusturya Viyana de vizêr saetanê şanî de hetê Têgêrayîşê Ciwanan ê Şorişgêran (TCŞ) û Cinîyan ê Ciwanan ê Têkoşeran  (TekoJIN) ra çalakîyêke ameye kerdene û komployê leyminî yê dewleta tirke yê ke Kurdîstan de yenê kerdene ameyî şermezarkerdene.

Ciwanan bi qiseykerdişan û vilakerdişê vilawekan da zanayene ke dewleta tirke hêrişê îşxalî yê vera Kurdîstanî de vera gerîlayan çekanê kîmîyewîyan şuxulnena û welatê Ewropa yê ke çekan danê artêşa tirke, vera nê sûcanê şerî bêveng ê.Ciwanan vist vîrî ke gerîlayî semedê pawitişê erd û şarê xo têkoşîn kenê û veng da şarê kurdî ke wa vera nê hêrişan vejîyê kuçeyan.