Teba Kurdistanijan zaf bajaranê Fransa û Almanya ra, endamê Têgêrayîşê Cinayan ê Kurdan ê Marsîlya nobeta seba Ocalanî gênê, serdana xoverrodayoxanê grevê vêşanîye kerde.

SIBA NEY, NIKA WAYÎR BIVEJÎYÊ

Bi nameyê Kurdistanijanê Mulhoûse ra qiseykerdiş ame kerdene û seba wayîrvejîyayîşê xoverrodayîşî vengdayîş ame kerdene. Kurdistanijêkî ard vîrî ke Leyla Guvene vana,“Ma Grevê vêşanîye ney, bêvengîye ma kişena“ û vengdayîş kerd ke “Siba ney, nika xoverrodayîşî rê wayîr bivejîyê.”

Kurdistanijan  da zanayene, tecrîd bi vatişan nêno wedaritene û veng kerd ke her kes her ca de bivejîyo meydanan.

HÎNA KE KES NÊMERDO GANÎ MUDAXELE BI PROSESÎ BÊRO KERDENE

Rayberîya Mannheîmî ya Sazgehê Keyeyanê Şehîd û Vîndîbîyayeyan ê Kurdistanî (KOMAW), serdana çalakwanan kerde û ard ziwan ke waştişê xoverrodayoxanê grevê vêşanîye waştişê şarê Kurdî yê. Qiseykerdoxan da zanayene ke tecrîd vera merdimîye yo û vengdayîş kerd ke, bi çalakîyan paşte bide xoverrodayîşî.

Temsîlkarê KOMAW'î waştî hîna ke kes nêmerdo ganî mudaxele bi prosesî bêro kerdene.

 ‘ÊYÊ KE DO MA RÊ WAYÎR BIVEJÎYÊ CINÎ YÊ‘

Endamê Têgêrayîşê Cinîyan ê Kurdan ê Marsîlya yê ke hewteyo 348. de verê Konseya Ewropa de nobeta seba Ocalanî gênê, şîyî serdana çalakwanan û vat, heta ke têkoşînê şarê  Kurdî yo 40 serran ra zêde yo dewam keno nêreso serkewtiş, ê do game apey nêerzê.

Xoverrodayoxanê grevê vêşanîye ra Ayvaz Eceye serdana cinîyan de qisey kerd û heme cinîyan ê Kurdan ra waşt ke xoverrodayoxan sey domananê xo bivînê. Eceye sere de veng bi cinîyan û şarê Kurdî kerd ke nê persî xo ra bipersê “Mi ewro se çi kerd?” Eceye vat, “Êyê ke do tewr zaf ma rê wayîr bivejîyê cinî yê, dayîk ê. Paştdayîşê seba çalakîya ma çiqas gird bo, serkewtiş zî hendê nêzdî beno. Hîna ke şehadetêk nêbîyo, labelê her rojêk muhîm a.”