Şaristanê Lavrio yê Atina yê Yunanîstanî de seba şermezarkerdişê Komployê Mîyanneteweyî yê 15ê Sibate yê vera Rayberê Şarê Kurdî Abdullah Ocalanî rayraşîyayîşê dergî dest pêkerd.

Rayraşîyayîşî do 3 rojan dest pêbikerê. Rayraşîyayîş bi rayberîya Têgêrayîşê Ciwanan ê Şorigêran bi şîara ''Seba Ocalanî azadîye, seba Kurdîstanî statu'' saete 10:00 de kampa Lavrio de dest pêkerd. Çar parçeyanê Kurdîstanî ra 70 ciwanî tewrê rayraşîyayîşî bîyî. Rayraşîyayîş de posterê Ocalanî alatê PKKyî ameyî berzkerdene û bi yunankî, kurdkî û tirkî sloganî ameyî vatene. Multecîyê Lavrio û roniştoxê şaristanê Lavrio heta vejîyayîşê şaristanî çalakîkeran reyde şîyî. Rayraşîyayîş merkezê şaristanê Atîna de 15ê sibate de do biqedo. Dima saete 15:00 de ver bi Sersefîrîya Tirke ya Atîna rayraşîyayîşo girseyî do bêro kerdene.