London de cinîyî hazirîya Festîvala Zîlane ya 18. kenê

London de cinîyî hazirîya Festîvala Zîlane ya 18. kenê. Festîvale emser do 24 û 25ê hezîrane de bêro kerdene.

Paytextê Îngîlîstanî London de do Festîvala Zîlane ya 18. bêro kerdene. Festîvale  do 24 û 25ê hezîrane de bi slogana ''Ma bi Jin, Jiyan Azadîye ver bi şorişê cinîyan şinê'' bêro kerdene.

Festîvala ke hetê Meclîsê Cinîyan ê Jîyane ra yena organîzekerdene hazirîya ci resayî merhaleya peyêne. Festîvale do 24ê hezîrane roja şemeyî bêro destpêkerdene. Saete 11 de do Merkezê Komelê Kurdan ê Harringayî de sipare bêro hazirkerdene. Saete 13.00 de xebata atolyeyî bêro kerdene û 14.30 de zî fîlm bêro seyrkerdene. 25ê herîna de zî do Denîz Deman, Gul Bahar û Azad Bedran bi deyîranê xo tewrê festvale bibê. Reyna do şaranê cîya cîyayan ra grûbê femînîstan zî sey qiseykerdoxan tewrê ci bibê.