Paytextê Fransa Paris û paytextê Almanya Berlin û bajaranê ci yê  Giessen û Mannheimî  de Endamê Heyetê Îmraliyî yê DEM Partî Sirri Sureyya Onder  bi aktîvîteyanê cîya cîyayan ame vîrardene.

Berlin de semedê Sirri Sureyya Onderî lokalê Cematê Dêrsimî yê Berlinî de aktîvîteyêke ameye orgazekerdene. Sîyasetmedar Îdrîs Baluken, Gokaye Akbulut û Jan van Aken û rojnamegerî Hayko Bagdat û Can Dundar û hunermend Ferhat Tunç tewrê aktîvîte bîyî.

Aktîvîteya ke moderetorîya ci Mehtape Erol kerd, Temsîlkara DEM Partî ya Almanya Leyla Îmret almankî û Sîyasetmedar Faysal Sariyildizî  zî kurdkî qisey kerd.

Badê qiseykerdişan mesajo ke Rayber Apoyî semedê Sirri Sureyya Onderî şawit, ame wendene  û derheqê cuya Sirri Sureyya Onderî de sînevîzyon ame seyrkerdene. Dima ra tewrbîyayoxan derheqê Sirri Sureyya Onderî de vîrameyîşê xo bare kerdî.

Badê aktîvîte peykerê Terteleyê Dêrsimî ame zîyaretkerdene  û tîya de zî qûrbanê Terteleyî ameyî vîrardene û mesajê xurtkerdişê têkoşînî ameyî dayene.

Mannheim de zî bi eynî waştişî aktîvîteyêke ameye organîzekerdene. Aktîvîte de ya ke bi desan kesî tewrê ci bîyî, fîlmê Beynelmîlelî ameyî seyrkerdene.

Giessen de zî bi aktîvîteyêke Sirri Sureyya Onder ame vîrardene. Aktîvîte de derheqê cuya Onderî de sînevîzyon ame seyrkerden.

Paris de zî semedê vîrameyîşê Sirri Sureyya Onderî aktîvîteyêke ameye organîzekerdene.