Bi desan êzidîyan û endamê Meclîsê Keyeyanê Şehîdan ewro bi wesîleya Roşanê Êzîyî goristanê şehîdan zîyaret kerd.

Goreyê teqwîmê kurmancan roja îneyî ya peyêne ya menga kanûne sey Roşanê Êzîyî yena fîrazkerdene ke bi nameyê Roşanê Rojeyê Pîlî zî yeno zanayene. Goreyê bawerîye roja îneyî ya peyêne ra verî roja sêşeme, çarşeme û pancşemeyî roje yeno girewtene. Êzidîyan gorî zîyaret kerd û vilikî nayî goran ser. Dima Endamê Îdareyê Yewîya Êzidîyan Mustafa Neboyî qisey kerd û roşanê pêro êzidîyan û ê şarê herême fîraz kerd. Îdarekaranê Yewîya Êzidîyan ê Kantonê Efrînî ra Silêman Caferî û endamê Meclîsê Keyeyanê Şehîdan Hisên Muradî zî dima qisey kerd û waşt ke no roşan bibo wesîleyêke ke Efrîn destê îşxalkeran ra bixeliso.