Cenevre de Şewa Kultur û Hunerî ya Kurdan a 14ine ameye kerdene. Şewe bi yadkerdişê şehîdan dest pêkerd. 

Dima nameyê Merkezê Komelê Demokratîkî yê Kurdan ê Cenevre ser o Sitki Demîrî qisey kerd. Demîrî roşanê Qurbanan fîraz kerd û pare kerd ke heta ke Rayber Apo azad bibo kurdî do têkoşîn bikerê.

Sereka Kantonê Cenevre yê Partîya Keskan a Swîsre û Şaredara Herêma Onexî Maryame Yunus Ebener qiseykerdişê xo de vat ke ê tim hetê şarê kurdî de yê û ganî Abdullah Ocalan azad bibo.

Endamê Dîwanê Hemserekîya KCDK-E Musa Farisogullariyî vat: ‘’Huner ganî polîtîk bibo, şar bi hunerî xo rêxistin bikero.’’

Hemsereka Enstîtuyê Kurdkî yê Swîsre Dilbere Hêma tradîsyonê kurdan ser o semînerêk da. 

Şewe de hunermendî Bêrî Altay, Zafer Xozat, Hozan Şemdîn, Semyan Adar û Mazlum Avaz vejîyayî sehne ser. 

Şayîye bi govendan qedîyaye.