Kaşkorîye tradîsyonêkê kurdan a ke hînî bena vîn. Kampa Multecîyan a Şehîd Rustem Cudîyî (Mexmûr) de tradîsyonê karê koşkarîye dewam keno. Koşkarê bi nameyê Ehmed Bîlenî vat: "No kulturê koşkarîye kal û pîranê ma ra mend. Ganî ma ey bipawê.''

Bîlenî bale ante şert û mercanê zoran ê multecîtîye ser û ard ziwan ke serra 1994î de Bîlenî Vakurê Kurdîstanî ra zulm û zorbazîya dewleta tirke ra koçê Başûrê Kurdîstanî kerd. Koşkar Bîlenî vat: "Wexto ke ma ameyî Başûr karêk çinêbi ke ma bikerê. 18 serrî yo ke ez nê karî kena. Ez zî babî û kalê xo ra nê karî musaya. Ez pê debarê keyeyê xo kena. Merdimê ke solê înan dirîyayî nêeşkenê yewê neweyî bihêrînê ez înan rê sol virazena. Her roje tewr tay ez panc hebî solan virazena. Ganî nê kulturê kal û pîranê ma bêro pawitene."

Bîlenî ambargoyê serê Mexmûrî zî vist vîrî ke 186 rojî yo ke dewam keno û vat: "No ambargo cuya ma ser o zaf tesîr keno. Hacetê mi nêmendî ke ez pê solan viraza. Ganî ez şora hacetan bigêra la rîyê ambargoyî ra ez nêeşkena."